Կանաչ կառավարման մոդելի դասընթացներ

«ԵՄ-ն Շրջակա միջավայրի համար. Կանաչ համայնք՝ դիմակայուն ապագա» ծրագրի շրջանակում, որն իրականացնում է «Էյ Թի Փի» բարեգործական հիմնադրամը, Էներգետիկայի հայկական գործակալություն հիմնադրամի և Ջինիշյան հիշատակի հիմնադրամի հետ գործակցությամբ, կազմակերպվել է ապրիլի 11-ից մինչև մայիսի 12-ը ընկած ժամանակահատվածում թիրախ մարզպետարանների և 15 համայնքապետարանների 44 աշխատակիցներների համար «կանաչ կառավարման» մոդելի հիմքը կազմող տասը դասընթացներ։ Դասընթացները վարում էին «Օփթիմայզ» ՍՊԸ-ի փորձառու դասընթացավարները։ Դասընթացի թեմաներն էին՝ բնական ռեսուրսների կառավարում, էներգաարդյունավետություն և վերականգնվող էներգիա, թափոնների կառավարում, «կանաչ տրանսպորտ» ընդհանուր նկարագրություն, կանաչապատ տարածքների խնամք և կառավարում, պետական և մասնավոր համագործակցության զարգացում,  բնապահպանական կրթություն և իրազեկվածության բարձրացում, էլեկտրոնային կառավարում, ֆինանսների կայուն կառավարում և ֆոնդհայթայթում և ծրագրերի մոնիթորինգ։

Դասընթացի բոլոր մոդուլները նախապես համաձայնեցվել են Տարածքային կառավարման և ենթակառուցվածքների նախարարության ինչպես նաև այլ գերատեսչությունների հետ։